19/6/18

SENDEIRISMO POLO CAMIÑO

Xa, por fin é o 18 de xuño, a data marcada para facer o Tramo do camiño de Santiago ata Preguntoño.
Era moi desexada esta actividade xa que o curso anterior non se poidera facer polo factor tempo e os de sexto non querían irse sen facelo de novo. Arzúa é un pobo polo que pasa o Camiño de Santiago e por iso forma parte das súas vidas, como din eles e elas.
Eran as dez e media cando partiamos os cursos de Infantil e 3º, 5º A e 6º B de Primaria rumdo cara Preguntoño...Bo camiño, como se soe dicir!!



15/6/18

MINIBASQUET!!

Traballo, sacrificio, deportividade, compañeirismo...son algúns dos valores cos que viaxaron os benxamíns do Equipo de Minibasquet para participar na fase provincial do Campionato de Minibasquet que tivo lugar en Boiro.
A ILUSIÓN dos nosos nenos e nenas contaxiou ás familias que nos acompañaron e nos apoiaron nesta xornada deportiva sendo partícipes dos nosos logros.
Magic Johnson dixo que os nenos necesitan un pouco de axuda, un pouco de esperanza e alguén que crea neles....e así o foi como os nosos entrenadores apostaron por eles, despertando espíritu de equipo, de superación e moooitas gañas de xogar.
Os responsables... CAHIN, AITOR e MOREIRA, que en cada adestramento nos regalan o seu amor polo baloncesto.
Moitas gracias!!!
Mirade, mirade que día máis completo......
 Seguindo as instruccións do noso entrenador Cachin xogamos e fixemos novos amigos deportistas...

Aproveitamos para ver outros partidos, repoñer enerxias, xogar e tomar un xeado.....
 
 
 Unha vez cargadas as pilas.....xogamos un segundo partido!!!
 E agora toca recoller o premio ao noso esforzo.....as medallas  e o trofeo!!!
 
 E como non.....o noso ENTRENADOR tamén se merece unha medalla!!!

Pero sen lugar a dúbidas a mellor medalla e o mellor trofeo foi participar no campionato Provincial de Minibasquet e ter uns entrenadores que nos contaxian o AMOR polo baloncesto e nos inculcan valores como o respecto, o compañeirismo, a deportividade, traballo en equipo...
Gracias CACHÍN , gracias AITOR e gracias MOREIRA por confiar en nós e pola vosa eadicación!!!!




9/6/18

Móvete +

O noso alumnado de 3º, 4º, 5º e 6º xa está preparando as coreografías do festival de fin de curso, aproveitando a participación no programa Móvete +, dentro do Proxecto Deportivo de Centro.

Están a traballar arreo para poder lucir ao máximo o próximo Xoves 21 de xuño. Segurísimo que todos/as o fan de maneira fantástica.

Convidámosvos a asistir para cerrar o curso da mellor maneira posible, todos/as xuntos.

Amosamos unha serie de fotos para que vexades como están a traballar:











Unha vez que actúen no festival, subiremos uns vídeos para que o poidades ver de primeira man.

Un saúdo a todos e todas.
Ata a próxima entrada 😉!

28/5/18

Xogos de Primavera

Xa están aquí, chegaron os Xogos de Primavera!

Nos meses de maio e xuño, o alumnado de Ed. Primaria desfrutará das ligas internas que se celebrarán no centro.

As modalidades deportivas que se levarán a cabo serán: minibasket, brilé e fútbol sala, e ademais, o xadrez.

Os árbitros serán o propio alumnado, na que premiaremos o bo comportamento, e sobre todo, a deportividade.

Seguro que estas prácticas nos deixan novos e bos aprendizaxes de cara o futuro, xa que o máis importante tal e como dicía o xa coñecido por todos Pierre de Coubertin: "O importante non é gañar, senón participar".











Un saúdo a todos e todas.
Ata a próxima entrada! 😉

Xornada de Xogos Tradicionais

No mes de maio, levouse a cabo unha xornada de Xogos Tradicionais, impulsada polo Concello de Arzúa.

Mañá lúdica, no que todo o alumnado de Educación Primaria puido desfrutar de xogos colaborativos, fomentando ao mesmo tempo, unha xornada de convivencia.

Achegamos algunhas fotos:











Un saúdo a todos e todas.
Ata a próxima entrada! 😉

Charla Primeiros Auxilios

O pasado mércores recibimos unha charla dende a Cruz Vermella, orientada aos Primeiros Auxilios.

Adrián Rivadulla, enfermeiro de profesión, foi o encargado de explicarlle ao alumnado de 5º e de 6º as pautas de actuación básicas en casos nos que alguén precise da nosa axuda.

A manobra de Heimlich e o RCP (Reanimación Cardiopulmonar) foron as dúas técnicas que o noso alumnado tivo as sorte de aprender e de experimentar.

Xornada de gran interese, sobre todo por unha cousa: Podemos salvar vidas!

Deixamos algunhas fotos desta fantástica e enriquecedora vivenza:













Un saúdo a todos e todas.
Ata a próxima entrada! 😉